Կարեն Ախիկյան

Կարեն Ախիկյանը ծնվել է Երևանում՝ 1963 թվականին։ Նա միշտ սիրել է արվեստը և ապրել է դրանով։ Կյանքի տարբեր ժամանակահատվածներում Կարեն Ախիկյանը հետաքրքրված է եղել արվեստի տարբեր ոլորտներով։ Սկզբում նկարել է յուղանկարներ, այնուհետև սկսել է նկարել հիանալի բատիկ շարֆեր, իսկ հետո անցել է քանդակագործության զարմանահրաշ աշխարհ։ Երկու խոսքով՝ նա հետաքրքրված է արվեստի հետ կապված ամեն ինչով։ Վերջին 15 տարիներին նա ստեղծում է մետաղական քանդակներ։ Կարծես նա ունի հսկայական կենդանաբանական այգի՝ իր տարբեր ու վայրի կենդանիներով։ Ինչպես ասում է Կարեն Ախիկյանը, ինքը չի որոշում, թե որ կենդանին ինչ զգացմունք պետք է ունենա, քանդակն ինքն է որոշում իր զգացմունքը։ Չունենալով մշակութային կրթություն՝ նա միշտ զբաղվել է արվեստով, միակ կրթությունը, որ ստացել է, նկարիչն էր, ով իր հարևանն էր, և նա սովորաբար իր ժամանակն անցկացնում էր՝ հետևելով նկարչի աշխատանքներին։ Կարեն Ախիկյանն ասում է, որ մետաղը մի գործիք է, որի միջոցով ինքը կարողանում է փոխանցել իր հուզական վիճակները։ Քանդակ ստեղծելիս նրա հոգին կարծես մաքրվում է։ Նրա վերջին հավաքածուն կոչվում է «Փոքրիկ աշխարհ», քանի որ քանդակներն այնքան փոքր են, որ կարող են տեղավորվել ափի մեջ։

Ցուցահանդեսներ:

Նրա աշխատանքները ցուցադրվում և վաճառվում են Երևանի մի քանի խանութներում, ինչպես նաև Հայաստանի ազգային պատկերասրահում։